شاب يحكي موقفا مر به..كنت نايم فى مره كده على السرير بتاعى ونسيت اتغطى وروحت فى النوم وندمت فى اليوم ده انى ما اتغطتتش لانى جالى فى الحلم الحانوتى اللى بيغسل الناس المهم مره واحده كده لاقيت نفسى فى التابوت بتاع الموت وجاهز عشان ادفن فى المقبره فصحيت وانا فى التابوت وروحت دفعته دفعه جامده وفتحته لاقيت نفسى ملفوف فى الكفن روحت لاقيت الراجل واقف فسالته اى فى ايه يا عم الحج راح قالى انت مت رحت قايل له يا عم مت ايه بس انا لسه صاحى اهو انت فى ايه عايز تموتنى وخلاص
بقوله اوعى يا عم كده وسع خليني اطلع من ام التابوت ده
راح قال لى انت مت انت هتعرف اكتر منى
وفى الاخر الراجل ده راح قفل عليا التابوت ومره واحده حسيت انى وسط ناس ميته وارواح ناس عماله تدور حوليا والله كنت خايف خوف مقدرش اوصفه فى اليوم ده قمت من نومى مفزوع فزعه ما يعلم بيها غير ربنا
لقيت الفجر بيدن بس طنشت خالص وقعدت عالفيس شويا وقولت هصلي شويا كدا....كنت بكلم 4 من صحابي مرا واحده بعدين قالولي سلام احنا رايحين نصلي...راحو وسابوني لوحدي قعدت افكر شويا في الحلم وهوا جالي عشان متغطيتش!!هههه مش معقول بردو وقولت خميت حد؟؟لا بردو طب سرقت؟؟ههههههه مش فاكر حاجه زي دي
اظاهر عشان متغطيتش كويس...لما صحابي جم قعدنا نكلم،شويه بعد كدا روحت انام واتغطيت ههههه بردو لازم نستفيد من الدروس
المهم حلمت نفس الحلم وصحيت مفزوع بردو قولت في نفسي طب مانا اتغطيت اهو!!هوا هيجيلي كل ليله ولا ايه هههههه منمش احسن
سهرت الليله وكنت قاعد عالفيس بردو حكيت لواحد صاحبي عالحصلي،قعد يسالني اسأله كدا يشوفني عملت حاجه وحشه ولا لا....بيسال ويسال بعدين سالني:انته بتصلي ولا...قلتلو سعات بصلي متاخر وسعات بسيب فروض قالي:اوباااا هي دي المشكله
وفي اليوم دا صليت ال5 فروض ومحلمتش بالكابوس تاني